പുനർ ചിന്താ ധാര

#MEANINGFUL STORY..... 

ഒരാൾ ഒരു സുന്ദരി പെൺകുട്ടിയെ വിവാഹം ചെയ്തു . ജീവിതം സമാധാനപരമായി നീങ്ങവേ , ഒരുനാൾ അവൾക്കൊരു ത്വക്ക് രോഗം പിടിപെട്ടു .
സൗന്ദര്യം കുറയാൻ തുടങ്ങി . അതിനിടെ ഒരു യാത്ര പോകേണ്ടി വന്ന ഭർത്താവിന് ഒരപകടം സംഭവിച്ചു . അയാളുടെ കാഴ്ച നഷ്ടപ്പെട്ടു . രോഗാവസ്ഥയിലും ഭാര്യ ഭർത്താവിനെ ഒരു കുറവുമില്ലാതെ നോക്കി . അവളുടെ അസുഖം കൂടി വരുകയും അതിവിരൂപയായി അവൾ മാറുകയും ചെയ്തു . അന്ധനായ ഭർത്താവ് ഇതൊന്നും അറിഞ്ഞില്ല . അതുകൊണ്ട് തന്നെ അവരുടെ ജീവിതം പഴയ പോലെ സന്തോഷമായി നീങ്ങി . 
ഒരുനാൾ അവൾ മരണപ്പെട്ടു . അതീവ ദുഃഖിതനായ ഭർത്താവ് അവളുടെ അന്ത്യ കർമ്മങ്ങൾ നിർവ്വഹിച്ച ശേഷം ആ നഗരം വിട്ടു പോകാനൊരുങ്ങി . 
ആരോ ഒരാൾ ചോദിച്ചു : നിങ്ങളെങ്ങനെയാണ് ഒറ്റയ്ക്ക് . ഇത്രയും ദിവസവും ഭാര്യയുണ്ടായിരുന്നു ഓരോ ചുവടിലും കൂട്ടായി . ഇനിയെങ്ങനെ ...... ?
അയാൾ മറുപടി പറഞ്ഞു :ഞാൻ അന്ധനല്ല സുഹൃത്തേ . ഞാൻ അഭിനയിക്കുകയായിരുന്നു . എനിക്ക് കാഴ്ചയുണ്ടെന്നും അവളുടെ വൈരൂപ്യം ഞാൻ അറിയുന്നുണ്ടെന്നും മനസ്സിലാക്കിയാൽ , ആ അറിവാണ് അവളുടെ അസുഖത്തെക്കാൾ എന്റെ ഭാര്യക്ക്  ആഘാതമാവുക . അവളൊരു നല്ല ഭാര്യയായിരുന്നു . ജീവിതത്തിൽ അവളുടെ സന്തോഷമാണ് ഞാനേറ്റവും ആഗ്രഹിച്ചത്.

* ചില സമയത്തു കൂടെയുള്ളവരുടെ ചില കുറവുകൾ  കണ്ടില്ലെന്നു നടിക്കുക . 
അത് ജീവിതത്തിൽ സന്തോഷമേ കൊണ്ട് വരൂ. ഒരു നഷ്ടവും അതുണ്ടാക്കില്ല . 

* നാവിനു എത്രയോ തവണ പല്ലുകളുടെ കടിയേൽക്കുന്നു . എന്നിട്ടും അവ ഒരുമിച്ച് . അതാണ്‌ വിട്ടുവീഴ്ച .

* കണ്ണുകൾ പരസ്പരം കാണുന്നില്ല . എന്നിട്ടും അവ ഒന്നിച്ചു മാത്രം കാഴ്ചകൾ കാണുന്നു . ചിമ്മുന്നു .  കരയുന്നു . അതാണ്‌ ഒരുമ .

* ഒറ്റയ്ക്ക് എനിക്ക് പറയാം . 
ഒരുമിച്ച് നമുക്ക് സംസാരിക്കാം .

* ഒറ്റയ്ക്ക് എനിക്ക് ആസ്വദിക്കാം. ഒരുമിച്ചാണെങ്കിൽ അത് ആഘോഷമാവും. 

* അതാണ്‌ ബന്ധങ്ങൾ .... !
 ഒറ്റയ്ക്ക് നമ്മളാരും ഒന്നുമല്ല . 
ഒന്നിനുമാവില്ല നമുക്ക് .

* മൂർച്ചയുള്ള ബ്ലേഡ് കൊണ്ട് മരം മുറിക്കാൻ പറ്റില്ല . 
മൂർച്ചയുള്ള മഴു കൊണ്ട് മുടി മുറിക്കാനുമാകില്ല. 

* എല്ലാ ഓരോരുത്തരും പ്രധാനപെട്ടവരാണ് .
അവരവരുടെ റോളുകൾ ഭംഗിയാക്കാൻ അവരു തന്നെ വേണം. 
ആരെയും വിലകുറച്ച് കാണാൻ നമുക്ക് അർഹതയില്ല ....!!

#Kadappad#